Breksitten keiingi Shotlandiiaǵy alǵashqy parlament sailaýynda Ulybritaniiadan bólinýdi qoldaityn partiialar kópshilik daýys jinady. Endi olar táýelsizdik týraly referendým jariialap, Londonmen onyń zańdylyǵy týraly sottaspaq, dep habarlaidy BBC.
Shotlandiiada 6 mamyrda bolǵan sailaý daýystaryn sanaý senbi kúni keshke aiaqtaldy. Qos separatister partiiasy – bileýshi Shotlandiianyń ulttyq partiiasy (ShUP) men jasyldar saýalnama ýáde etkennen az daýys jinady. Degenmen 129 mandattyń 72-sin aldy.
«Sailaý nátijesi Edinbýrg pen Vestminster táýelsizdik týraly ekinshi referendým týrasynda talqyny qaita jandandyratynyna kepildik beredi», - dedi Scotsman shotlandyq gazetiniń sholýshysy.
