Shotlandiianyń Kilmarnok qalasynda belgisiz bireýdiń jasaǵan shabýyly saldarynan úsh adam qaza tapty, dep habarlaidy VVS.
Politsiianyń habarlaýynsha, 4 aqpanda 39 jastaǵy áielge Kilmarnoktaǵy Crosshouse aýrýhanasynyń avtoturaǵynda shabýyl jasalǵan. 24 jastaǵy ekinshi áiel Portlend-stritte aýyr jaralanyp, kóp uzamai kóz jumdy. Keiinnen qala shetindegi jol-kólik oqiǵasynyń saldarynan 40 jastaǵy er adam mert bolǵan.
Quqyq qorǵaý organdarynyń qyzmetkerleri málim etkendei, júrgizilgen tergeýler oqiǵalardyń bir-birimen bailanysty ekenin kórsetti. Qylmysker sýyq qarýdy qoldanyp, qalanyń ártúrli bólikterinde adamdarǵa shabýyl jasaǵan. Qazirgi ýaqytta turǵyndarǵa qaýip tónip turǵan joq.
«Ofitserler tergeý amaldaryn jalǵastyryp jatqandyqtan, birqatar eldi meken qorshaýǵa alyndy. Biz oqiǵanyń mán-jaiyn tolyq rastaý úshin jumys istep jatyrmyz», — dedi politsiia bastyǵy Sýpt Farok Hýssein.
