Tótenshe jaǵdailar ministri Iýrii Ilin birneshe apta buryn gaz ballony jarylyp, bes adam, onyń ishinde úsh bala qaza tapqan Shortandy aýylyndaǵy qaiǵyly oqiǵaǵa kinálilerdi atady. Tótenshe jaǵdailar ministrligi málimetinshe, oqiǵaǵa úi iesi kináli, - dep habarlaidy Tengrinews.kz tilshisi AstanaTV arnasyna silteme jasap.
"Úi iesi ballondy peshke jaqyn ornatqan, osylaisha, týystary men tanystarynyń ólimine sebep boldy. Bul onyń alǵashqy kinási. Ballonǵa janarmai quiý oryndarynda gaz toltyrýǵa tyiym salynǵanyn bile tura, sol jerde ballonǵa gaz toltyrǵan. Bul - ekinshi kinási", - dedi Qazaqstan TJ ministri Iýrii Ilin.
Iýrii Ilin "Abai" kenishindegi apatqa qatysty da pikir bildirdi. "ArselorMittal Temirtaý" kompaniiasynyń tikelei kinási joq, dedi ministr. Jýrnalisterdiń aitýynsha, shamamen eki apta buryn ol basqa málimdeme jasaǵan. Endi olar qaiǵyly oqiǵaǵa jumys berýshiniń janama qatysy baryn ǵana moiyndap otyr.
"Jabdyq áli daiyn bolmaǵan, tek aýysym aýysty. Jumys berýshiniń janama kinási - bul ýchaskeni uzaq ýaqyt boiy geologiialyq zertteý jetkiliksiz bolǵan. Birinshiden, Qaraǵandy oblysynyń kómir basseini", - dep túsindirdi Iýrii Ilin.
Sondai-aq, ministr qazaqstandyqtardyń ólimine qatysty qaiǵyly statistikany jariialady. Máselen, biyl tótenshe jaǵdaida jeti júzden asa adam qaza tapqan. Olardyń kópshiligi ot pen sýdan.
Buǵan deiin 16 qarashada Aqmola oblysy Shortandy kenti Lineinaia kóshesinde gaz ballony jarylǵany habarlanǵan bolatyn. Jarylystan 3 adam qaza taýyp, 10 adam aýrýhanaǵa jatqyzylǵan. Keiin zardap shekkender arasynda balalar bary aityldy.
21 qarashada 13 jastaǵy bala aýrýhanada qaitys boldy, al 22 qarashada saǵat 23.00-de 10 jastaǵy qyzdyń júregi toqtap qaldy.
