Foto: pixabay.com
SKYHANSA Qazaqstan-Germaniia konsortsiýmy jańa júk-jolaýshylar áýejaiyn salýǵa nietti. Bul týraly Azamattyq aviatsiia komiteti habarlady.
Germaniianyń federaldy kantsleri Olaf Sholtstyń Qazaqstanǵa resmi sapary aiasynda Kólik ministrligi men "SKYHANSA" kompaniiasy arasynda "Qorǵas – Shyǵys qaqpasy" arnaiy ekonomikalyq aimaǵynda júk-jolaýshylar áýejaiyn salý jobasyn iske asyrý týraly negizdemelik kelisim jasaldy. Qujatqa Kólik Vitse ministri Talǵat Lastaev jáne “SKYHANSA” Basqarýshy seriktesi Iýrgen Gretsbah qol qoidy.
Joba qýaty 500 adam/saǵ deiin jolaýshylar terminaly bar áýejai infraqurylymyn, syiymdylyǵy jylyna 550 000 tonnaǵa deiingi otyn qoimasyn, jylyna 250 000 tonnaǵa deiin júkterdi tolyq óńdeitin júk terminalyn salýdyń, áýe kemelerine qyzmet kórsetý úshin aviatsiialyq-tehnikalyq ortalyq qurýdyń, sondai-aq basqa da týristik jáne saýda-oiyn-saýyq qyzmetterin damytýdyń úsh kezeńdik baǵdarlamasyn kózdeidi.
Jobaǵa jeke investitsiialardyń jalpy somasy 300-den astam turaqty jumys ornyn qura otyryp, 500 mln AQSh dollarynan bastalady dep boljanǵan.
Búgingi tańda Jetisý oblysynyń ákimdigi áýejai salý úshin jer telimin bóldi, investor investitsiialar týraly kelisim jasalǵannan keiin jobany iske asyrýǵa kirisýdi josparlap otyr.
