فوتو: pixabay.com
SKYHANSA قازاقستان-گەرمانييا كونسورتسيۋمى جاڭا جٷك-جولاۋشىلار ەۋەجايىن سالۋعا نيەتتٸ. بۇل تۋرالى ازاماتتىق اۆياتسييا كوميتەتٸ حابارلادى.
گەرمانييانىڭ فەدەرالدى كانتسلەرٸ ولاف شولتستىڭ قازاقستانعا رەسمي ساپارى اياسىندا كٶلٸك مينيسترلٸگٸ مەن "SKYHANSA" كومپانيياسى اراسىندا "قورعاس – شىعىس قاقپاسى" ارنايى ەكونوميكالىق ايماعىندا جٷك-جولاۋشىلار ەۋەجايىن سالۋ جوباسىن ٸسكە اسىرۋ تۋرالى نەگٸزدەمەلٸك كەلٸسٸم جاسالدى. قۇجاتقا كٶلٸك ۆيتسە مينيسترٸ تالعات لاستاەۆ جەنە “SKYHANSA” باسقارۋشى سەرٸكتەسٸ يۋرگەن گرەتسباح قول قويدى.
جوبا قۋاتى 500 ادام/ساع دەيٸن جولاۋشىلار تەرمينالى بار ەۋەجاي ينفراقۇرىلىمىن, سىيىمدىلىعى جىلىنا 550 000 تونناعا دەيٸنگٸ وتىن قويماسىن, جىلىنا 250 000 تونناعا دەيٸن جٷكتەردٸ تولىق ٶڭدەيتٸن جٷك تەرمينالىن سالۋدىڭ, ەۋە كەمەلەرٸنە قىزمەت كٶرسەتۋ ٷشٸن اۆياتسييالىق-تەحنيكالىق ورتالىق قۇرۋدىڭ, سونداي-اق باسقا دا تۋريستٸك جەنە ساۋدا-ويىن-ساۋىق قىزمەتتەرٸن دامىتۋدىڭ ٷش كەزەڭدٸك باعدارلاماسىن كٶزدەيدٸ.
جوباعا جەكە ينۆەستيتسييالاردىڭ جالپى سوماسى 300-دەن استام تۇراقتى جۇمىس ورنىن قۇرا وتىرىپ, 500 ملن اقش دوللارىنان باستالادى دەپ بولجانعان.
بٷگٸنگٸ تاڭدا جەتٸسۋ وبلىسىنىڭ ەكٸمدٸگٸ ەۋەجاي سالۋ ٷشٸن جەر تەلٸمٸن بٶلدٸ, ينۆەستور ينۆەستيتسييالار تۋرالى كەلٸسٸم جاسالعاننان كەيٸن جوبانى ٸسكە اسىرۋعا كٸرٸسۋدٸ جوسپارلاپ وتىر.
