Aqmola oblysynda Shoqyný meiramy kezinde 1500-den astam aqmolalyq sýǵa shomyldy.
Olardyń qaýipsizdigin Aqmola oblysynda Tótenshe jaǵdailar departamenti, politsiia, jergilikti atqarýshy organdardyń 100-den astam qyzmetkeri, dárigerler shomyldyrý rásiminen ótý kezinde qaýipsizdikti qamtamasyz etýde, dep habarlaidy Qazaqparat tilshisi.
Aqmola oblystyq Tótenshe jaǵdailar departamenti baspasóz qyzmetiniń málimetinshe, oblys aýmaǵynda shoqyný túninde sýǵa shomylýǵa arnalǵan 14 oryn jabdyqtalǵan. Olar Stepnogor qalasynda, Astrahan, Aqkól, Bulandy, Jaqsy, Shortandy, Egindikól aýdandarynda. Oblystyń basqa aýdandarynda, Kókshetaý qalasynda epidemiologiialyq jaǵdaidyń kúrdeliligine bailanysty shomylýǵa arnalǵan oryndar qarastyrylmaǵan. Barlyq shomylý oryndarynda qutqarýshylar, dárigerler, politsiia jáne jergilikti atqarýshy organdar qyzmetkerleri kezekshilik etedi. Jylytý pýnktteri qarastyrylǵan. 19 qańtar kúni tańerteń 1500-den astam aqmolalyq sýǵa shomyldy.
«Tótenshe jaǵdailar departamenti Aqmola oblysynyń turǵyndaryn sýǵa shomylý kezinde qaýipsizdik talaptaryn saqtaýǵa shaqyrady. Birinshi kezekte, qandai da bir aýrýy bar barlyq azamattarǵa óz emdeýshi dárigerinen keńes alý qajet. Oiyqta qabyný jáne júrek-qan tamyrlary aýrýlary jáne ortalyq júike júiesi aýrýlary bar adamdarǵa shomylýǵa bolmaidy. Shomylǵannan keiin gipotermiiany boldyrmas úshin ózińizben birge úlken súlgi bolýy kerek. Sizge yńǵaily qurǵaq aýystyrylatyn kiim kerek, ony tez kiiýge bolady jáne termospen ystyq shai alyp júrý kerek usynylady», - dedi vedomstvodan.
