Aqmola oblysynyń bas memlekettik sanitarlyq dárigeri Ainagúl Mýsinanyń pravoslav hristiandarynyń Shoqyný merekesin atap ótýge bailanysty karantindik shekteýler týraly qaýlysy shyqty, dep habarlaidy "Ult aqparat".
«Aqmola oblysynyń aýmaǵynda Shoqyný merekesin ótkizý kezeńinde koronavirýs infektsiiasynyń taralýynyń aldyn alý maqsatynda Qaýly etemin:
- Aqmola oblysynyń ákimdigi, aýdandar men Kókshetaý, Stepnogorsk qalalarynyń ákimderi Shoqyný merekesin ótkizý kezeńinde karantindik sharalardyń saqtalýyn baqylaýdy;
- Aqmola oblysynyń aýmaǵynda dini mereke kúni jappai shomylýdy (10 adamnan astam) uiymdastyrýǵa jáne ótkizýge jol bermeýdi;
- 60 jastan asqan adamdardyń shomylmaýyn;
- shomylý oryndarynda kelýshilerdiń «kirý jáne shyǵý» aýmaǵyn belgileýdi;
- kiinip-sheshiný oryndarynda kelýshilerdiń sanyn 10 adamnan aspaityndai shekteýdi; -
- jaryqtandyrý jáne kieli sý shashý, shomylý oryndarynda áleýmettik qashyqtyqty saqtaýdy;
- keminde 1,5-2 metr áleýmettik qashyqtyqty ustanýdy;
- qol alysýdy nemese tikelei bailanystyń basqa da túrlerine jol bermeýdi;
- jaryqtandyrý jáne qasietti sý sebý oryndarynda, kútý jáne jylytý pýnkterinde (kiinip-sheshiný bólmesi bar jyly úi-jailar, shatyr) maska rejimin saqtaýdy (ár 3 saǵat saiyn aýystyrý, birrettik nemese kóp ret qoldanylatyn maskalardy mindetti túrde kiiý) qamtamasyz etsin, - delingen qujatta.
Sonymen birge, atalmysh qaýlyǵa sáikes, Aqmola oblysy boiynsha din ókilderi Shoqyný merekesin ótkizý kezinde karantindik sharalardyń saqtalýyn qamtamasyz etýi qajet:
- 1,5-2 metr áleýmettik qashyqtyqty saqtaý úshin jaryqtandyrý jáne qasietti sýmen búrký júrgiziletin shirkeýlerdiń úi-jailarynda tolymdylyǵy 50 paiyzdan aspaýy tiis;
- qol alysýdy nemese tikelei bailanystyń basqa túrlerin boldyrmaý;
- shirkeýlerde qasietti sý taratýdy júzege asyratyn adamdarǵa ár 2-3 saǵat saiyn mindetti túrde aýysa otyryp, birrettik qolǵaptar men qorǵanys maskalaryn qoldaný;
- 25.12.2020 jylǵy № 67 Qaýlyǵa sáikes dini obektilerde sanitarlyq-dezinfektsiialyq rejim talaptary saqtalýy tiis (№20 qosymsha).
