Eshbir tyiym bóget bola almai turǵan toi-tomalaqty toqtatý kerek. Túrkistan oblysynyń ákimi Ómirzaq Shókeev kezekti apparat otyrysynda osylai dedi, dep habarlaidy "Ult aqparat".
Óńirdegi epidemiologiialyq ahýal baiandalǵan otyrysta sońǵy kórsetkishter málim etildi. Odan belgili bolǵandai, oblys aýmaǵynda otbasylyq, merekelik is-sharalar toqtamai tur. Búgingi kúnge deiin 535 tyiym salynǵan shara ótse, onyń 226-y qoǵamdyq tamaqtaný oryndarynda, qalǵany turǵyndardyń óz aýlasynda ótkizilgen.
Osyǵan orai barlyq aýdan, qala ákimderi aimaq basshysynyń qatań synyna ushyrady. Eldegi epidemiologiialyq ahýaldy bile tura, sanitarlyq talaptardyń saqtalýyn baqylaý maqsatynda tynymsyz júrgizilip kele jatqan tekserýlerdi elemegenderge jaza, jaýapty basshylarǵa shara qoldanylmaq.
«Toi-tomalaq barlyq aýdandarda bar. Epidemiologiialyq jaǵdaidyń qanshalyqty kúrdeli ekenin bile tura, toi jasaityndardy toqtatý kerek. Toiǵa jan-jaqtan tamyr-tanys jinalady. Buǵan tosqaýyl qoiylmasa, qalǵan tirliktiń bári beker. Tez arada tiisti shara qoldanylsyn», - dedi Ómirzaq Shókeev.
Sońǵy bes aida oblys boiynsha jasaqtalǵan 119 mobildi top quramy jáne aýmaqtyq Politsiia basqarmalary qyzmetkerleri tarapynan 36765 nysan tekserilip, karantin talabyn buzýdyń 5 194 faktisi anyqtaldy.
