Búgin Úkimet otyrysynda Túrkistan oblysynyń ákimi Ómirzaq Shókeev byltyrǵy Arys tájiribesi siiaqty ár úige kelgen zardapty, shyǵyndy eseptep shyǵýymyz kerek ekenin aitty, - dep habarlaidy «Ult aqparat».
«Maqtaaral aýdanynda sý basqan aýyldardyń evakýatsiialanǵan ár turǵynyna ótemaqy belgileý durys dep esepteimin. Sý eldi mekenderden ketkennen keiin úilerdi aralap, byltyrǵy Arys tájiribesi siiaqty ár úige kelgen zardapty, shyǵyndy eseptep shyǵýymyz kerek. Ary qarai komissiiamen birigip otyryp, búlingen úilerdi qaita qalpyna keltirý joldaryn qarastyrymyz kerek dep olaimyn»,- dedi oblys basshysy.
Óńir basshysy sý basqan úilerde qalǵan múlikterge qandai zardap kelgenin esepteý qiyn bolatyndyǵyn basa aitty.
«Sondyqtan sý basqan aýyldyń evakýatsiialanǵan ár turǵynyna ótemaqy belgileý durys bolar dep esepteimin. Munan bólek 7 myńnan astam egistik alqabyna biraz shyǵyn keldi. Egilgen egistik, plenka astynda jatqan ártúrli egistik alqaby bar. Sonyń bárin qaita eseptep, ony da óteýge kómektesýimiz qajet. Jalpy, evakýatsiialanǵan azamattardyń bárimen túsindirý jumystary júrgizilip jatyr. Byltyrǵy Arystaǵydai kóp adamdy jinap, úlken jiyn jasamaimyz. Jeke-jeke ár mektepke baryp, túsindirý jumystary júrgizilýde. Jalpy halyq túsinistikpen qaraidy, úlken shydamdylyqpen, tózimdilikpen bul jaǵdaidy ótkizip jatyr. Biz komissiiany kútip otyrmyz, solarmen birge bárin aralap shyǵamyz»,- dedi ol.
