2020 jyldyń sońyna deiin shaǵyn jáne orta biznes memlekettik múlikti jaldaý aqysyn tóleýden bosatylady. Bul jaiynda Biznes-ombýdsmen apparaty basshysynyń mindetin atqarýshy Shyǵys Temir Facebook paraqshasynda jazdy, dep habarlaidy "Ult aqparat".
«Dostar, tamasha jańalyq! Búgin Ulttyq ekonomika ministriniń jyldyń sońyna deiin memlekettik múlikti jaldaýdan ShOB-ty bosatý týraly buiryǵy resmi jariialandy. Ulttyq ekonomika ministri 9 qazanda №75 buiryqty qabyldady.
Mańyzdysy, biz qaýiptengen 1 qyrkúiekten emes, 20 maýsymnan bastap aqy tóleýden bosatatyn boldy. Bul buiryq memlekettik múlikti múliktik jaldaýǵa (jalǵa alýǵa) berý erejesin 53-1-tarmaqpen tolyqtyrady: «Jyljymaityn múlik obektisin múliktik jaldaǵany (jalǵa alǵany) úshin jaldaý aqysy shaǵyn jáne orta kásipkerlik sýbektileri úshin 2020 jylǵy 20 maýsymnan bastap 31 jeltoqsandy qosa alǵandaǵy kezeńde eseptelmeidi. Buǵan deiin osyndai bosatý 20 naýryz ben 20 maýsym arasynda engizilgen bolatyn. Osylaisha, karantindik shekteý engizilýine bailanysty shaǵyn jáne orta biznes jalǵa alý aqysyn 9 aidan astam tólemeidi. Biznes únemdeitin jalpy soma boljamǵa sáikes osy kezeńde shamamen 36 mlrd teńgeni quraidy», - dedi ol.
Onyń atap ótýinshe, buiryq resmi jariialanǵan kúnnen bastap, iaǵni 14 qazannan kúshine enedi.
