2020 جىلدىڭ سوڭىنا دەيٸن شاعىن جەنە ورتا بيزنەس مەملەكەتتٸك مٷلٸكتٸ جالداۋ اقىسىن تٶلەۋدەن بوساتىلادى. بۇل جايىندا بيزنەس-ومبۋدسمەن اپپاراتى باسشىسىنىڭ مٸندەتٸن اتقارۋشى شىعىس تەمٸر Facebook پاراقشاسىندا جازدى, دەپ حابارلايدى "ۇلت اقپارات".
«دوستار, تاماشا جاڭالىق! بٷگٸن ۇلتتىق ەكونوميكا مينيسترٸنٸڭ جىلدىڭ سوڭىنا دەيٸن مەملەكەتتٸك مٷلٸكتٸ جالداۋدان شوب-تى بوساتۋ تۋرالى بۇيرىعى رەسمي جارييالاندى. ۇلتتىق ەكونوميكا مينيسترٸ 9 قازاندا №75 بۇيرىقتى قابىلدادى.
ماڭىزدىسى, بٸز قاۋٸپتەنگەن 1 قىركٷيەكتەن ەمەس, 20 ماۋسىمنان باستاپ اقى تٶلەۋدەن بوساتاتىن بولدى. بۇل بۇيرىق مەملەكەتتٸك مٷلٸكتٸ مٷلٸكتٸك جالداۋعا (جالعا الۋعا) بەرۋ ەرەجەسٸن 53-1-تارماقپەن تولىقتىرادى: «جىلجىمايتىن مٷلٸك وبەكتٸسٸن مٷلٸكتٸك جالداعانى (جالعا العانى) ٷشٸن جالداۋ اقىسى شاعىن جەنە ورتا كەسٸپكەرلٸك سۋبەكتٸلەرٸ ٷشٸن 2020 جىلعى 20 ماۋسىمنان باستاپ 31 جەلتوقساندى قوسا العانداعى كەزەڭدە ەسەپتەلمەيدٸ. بۇعان دەيٸن وسىنداي بوساتۋ 20 ناۋرىز بەن 20 ماۋسىم اراسىندا ەنگٸزٸلگەن بولاتىن. وسىلايشا, كارانتيندٸك شەكتەۋ ەنگٸزٸلۋٸنە بايلانىستى شاعىن جەنە ورتا بيزنەس جالعا الۋ اقىسىن 9 ايدان استام تٶلەمەيدٸ. بيزنەس ٷنەمدەيتٸن جالپى سوما بولجامعا سەيكەس وسى كەزەڭدە شامامەن 36 ملرد تەڭگەنٸ قۇرايدى», - دەدٸ ول.
ونىڭ اتاپ ٶتۋٸنشە, بۇيرىق رەسمي جارييالانعان كٷننەن باستاپ, ياعني 14 قازاننان كٷشٸنە ەنەدٸ.
