Foto ©️ Tengrinews.kz / Týrar Kazangapov
Vitse-premer – ulttyq ekonomika ministri Serik Jumanǵarin Shyǵys Qazaqstan oblysynyń keibir aýdandarynyń "jeke ýaqyt beldeýine" kóshýine qatysty pikir bildirdi, - dep habarlaidy Ult.kz Tengrinews.kz-ke silteme jasap.
Májilis kýlýarynda Jumanǵarin qazir saǵat beldeýi máselesine jetekshilik etpeitinin aitty, biraq óz oiyn bildirdi.
"Ákimdiktiń sheshimine kelsek, biz bul týraly burynnan aityp júrmiz. Olarda ýaqyt pen jumys kestesin ózgertý quqyǵy burynnan bar. Qazirgi ýaqytta osy jumystyń bastalǵany jaqsy. Meniń oiymsha, bul kóptegen máseleni sheshedi", – dedi Serik Jumanǵarin.
Birqatar aýdannyń "jeke ýaqyt beldeýine" kóshý sheshimin vitse-premer "durys" dep atady.
Eske salaiyq, 5 qańtardan bastap Katonqaraǵai aýdanynyń 17 aýyly jumys kúnin 08:00-de bastap, 17:30-da aiaqtaityn "jeke" jumys kestesine kóshti, al 24 aqpannan bastap Marqakól jáne Úlken Naryn aýdandarynyń turǵyndary da osy tártipke ótti.
Keshe, 5 naýryzdan bastap, Zaisan, Kúrshim, Tarbaǵatai jáne Samar aýdandarynyń turǵyndary da jumys kúnin bir saǵat erterek bastaityny belgili boldy.
