Foto: TJM
Zaisan aýdanynyń Birjan aýyldyq okrýgine qarasty Shubyraǵash aýmaǵynda qamys pen qurǵaq ósimdiktiń janý faktisi tirkeldi, dep habarlaidy Ult.kz.
Órt oshaǵy batpaqty, qoljetimsiz jerde ornalasqan. Tótenshe jaǵdailar qyzmeti men orman sharýashylyǵy qyzmetkerleri órtti sóndirý jumystaryn júrgizýde.
Órtti sóndirýge jumyldyrylǵan kúshter men quraldar:
Jalpy: 85 adam, 15 tehnika birligi.
TJD: 52 qyzmetker, 8 tehnika birligi.
Orman sharýashylyǵy: 17 adam, 4 tehnika birligi.
Jergilikti atqarýshy organdar: 16 adam, 3 tehnika birligi.
Qosymsha: 20 adam, sý tasityn kólik, soqasy bar traktor jáne júk tiegish jiberildi.
Mi-8 tikushaǵy áýede jumys istep jatyr, bortynda 11 qutqarýshy bar. Barlyq qajetti qutqarý jabdyqtary tielgen. Sondai-aq tikushaqty janarmaimen qamtamasyz etý úshin janarmai tasityn kólik te jolǵa shyqty.
Órtti sóndirý jumystary qatty jelmen (19–20 m/s deiin) qiyndap otyr.
