Shyǵys Qazaqstan oblysy Ridder qalasynyń 62 jastaǵy turǵyny HIH ǵasyrdyń qarýyn politsiiaǵa tapsyrdy, dep habarlaidy "Ult aqparat".
ShQO Politsiia departamenti baspasóz qyzmetiniń málimetine súiensek, sot-ballistikalyq saraptama nátijeleri boiynsha atalǵan qarý Týla qarý-jaraq zaýytynda shyǵarylǵan. 1889 jyly jasalǵan ańshylyq myltyq qos uńǵyly, atýǵa jaramdy.
Ótkizgen er adamnyń aitýynsha, ol sirek kezdesetin qarýdy marqum anasynyń qoimasynan eski zattardy rettep júrgen kezde taýyp alǵan. Kriminalister birneshe ǵasyr ótkenine qaramastan, myltyqtyń dizaini ózgerissiz qalǵanyn jetkizdi.
«Halyqtan zańsyz saqtalǵan atys qarýy men oq-dárilerdi satyp alý jónindegi komissiia quramy qala turǵynyna qarý úshin 60 000 teńge tóleidi. Aita keteiik, tirkelmegen qarý jáne oq-dárilerdi erikti túrde tapsyrý aktsiiasynyń eki kúninde oblys boiynsha halyqtan 5 mln teńgeden astam somaǵa 79 qarý qabyldandy», - dedi ShQO PD bastyǵy Saǵat Mádiev.
Koronavirýs infektsiiasynyń taralýyna jol bermeý maqsatynda aktsiia sanitarlyq-epidemiologiialyq talaptarǵa sáikes ótýde.
