Shyǵys Qazaqstan oblysy turǵyndarynyń 20 paiyzyna koronavirýs vaktsinasyn salý josparlanýda, dep habarlaidy "Ult aqparat".
Qazaqstanda COVID-19-ǵa qarsy vaktsinatsiia aqpan aiynda bastalmaq. Eń aldymen vaktsina meditsina qyzmetkerleri men muǵalimderge salynady.
«18 jastan asqan barlyq adamdar koronavirýs infektsiiasyna qarsy vaktsinatsiialaýǵa jatady. Ekpe vaktsinanyń túsýin eskere otyryp, kezeń-kezeńimen júrgiziledi. Eń aldymen, infektsiianyń taralý qaýpi joǵary halyqtyń eń osal toby – jedel járdem, reanimatsiia bólimsheleri men aýrýhanalardyń qabyldaý bólmelerindegi meditsina qyzmetkerlerine vaktsina egile bastaidy. Ekinshi kezeńde jalpy bilim beretin mektepterdiń, arnaiy-orta oqý oryndarynyń, ýniversitetterdiń pedagogtary, al úshinshi kezeńde mektep-internattardyń, mektepke deiingi balalar mekemeleriniń pedagogtary, stýdentter, sozylmaly aýrýlary bar adamdar ótedi», - dep habarlady ShQO densaýlyq saqtaý basqarmasy.
COVID-19-ǵa qarsy vaktsinatsiia erikti negizde ǵana júrgiziledi. Qazaqstan Respýblikasynyń «Halyq densaýlyǵy jáne densaýlyq saqtaý júiesi týraly» Kodeksiniń 77-babyna sáikes azamattar profilaktikalyq vaktsinatsiiadan bas tartýǵa quqyly.
Aita keteiik, Qazaqstanda tirkelgen barlyq vaktsinalar meditsinalyq uiymdarǵa túspei turyp, olardyń qaýipsizdigi men sapasyna tekserý júrgiziledi. Bul naryqqa tek tiimdi jáne qaýipsiz vaktsinalardyń jiberilýin qamtamasyz etýge múmkindik beredi.
Basqarma málimetine súiensek, biyl Shyǵys Qazaqstan turǵyndarynyń 20%-yna COVID-19-ǵa qarsy vaktsina egý josparlanyp otyr.
