Shyǵys Qazaqstan oblysynda jer qoinaýyn paidalanýshylar tabiǵat qorǵaý zańnamasyn buzǵan, dep habarlaidy "Ult aqparat".
ShQO orman sharýashylyǵy jáne janýarlar dúniesi inspektsiiasynyń qyzmetkerleri tabiǵat qorǵaý zańnamasynyń buzylǵanyn anyqtady. Osynyń saldarynan tabiǵatqa asa iri kólemde ziian keltirilgen.
13 qarashada «Semei ormany» memlekettik orman tabiǵi rezervaty Taý-Dala filialynyń Jarma orman sharýashylyǵy aýmaǵynda altyn óndirilip kelgeni belgili boldy.
«Jer qoinaýyn paidalanýshylar Balqyldaq ózeniniń boiynan 50-100 metr qashyqtyqta, iaǵni erekshe qorǵalatyn tabiǵi aýmaqta jer qazǵan. Bul, tabiǵat qorǵaý zańnamasyn buzý. Olar jerdiń joǵarǵy qunarly qabatyn alyp tastap, onyń tómengi qabattarymen aralasýyna jol berdi. Sonyń kesirinen jerdiń qunarly qabaty buzylǵan. Tabiǵatqa keltirilgen materialdyq zalaldyń jalpy mólsheri 2,6 milliard teńgeden asady», - dep habarlady inspektsiia ókilderi.
Qazirgi ýaqytta barlyq materialdar quqyq qorǵaý organdaryna jiberilgen.
