Shyǵys Qazaqstan oblysynyń politsiia qyzmetkerleri tiisti qujatsyz balyq tasymaldaǵan Pavlodar qalasynyń turǵynyn ustady, dep habarlaidy "Ult aqparat".
ShQO Politsiia departamenti baspasóz qyzmetiniń málimetine súiensek, 14 qańtarda saǵat 01.10 shamasynda tártip saqshylary «Óskemen-Samar» tasjolynyń 60-shaqyrymynda «GAZ» avtokóligin toqtatqan.
«Tekserý kezinde 30 jastaǵy júrgizýshiniń Samar aýylynan Óskemenge qarai kele jatqany belgili boldy. Kólikte ol 565 keli balyqty qujatsyz tasymaldaǵan. Qazirgi ýaqytta tekserý jumystary júrgizilýde. Sonyń nátijeleri boiynsha shara qabyldanady», - dedi ShQO PD bastyǵy Saǵat Mádiev.
Sonymen qatar respýblikalyq mańyzy bar «Óskemen-Almaty» tasjolyn patrýldeý kezinde politseiler «Fiat Ducato» kóligin toqtatqan. Kóliktiń júk salǵyshynan 40 qapqa salynǵan eshqandai qujaty joq balyq tabyldy. Almaty qalasynyń 36 jastaǵy turǵyny balyqty Óskemennen tasymaldap bara jatqanyn jetkizgen. Oǵan qatysty QR ÁQBtK-niń 389-baby boiynsha ákimshilik hattama toltyryldy.
