Shyǵys Qazaqstan oblysy ákimi Danial Ahmetov óńirdiń qai aýmaqtarynda koronavirýsty juqtyrý jaǵdailary kóbeigenin aitty, dep habarlaidy "Ult aqparat".
«Bizde tiisti oqshaýlaý ortalyǵy bar jáne ol qazirgi kezde qyzmet etip keledi. Meniń orynbasarym tańǵy saǵat 7:30-da, men ózim saǵat 11:00-de jáne 19:00-de bas dárigerlermen, ákimdermen keńes ótkizemin. Sonymen qatar saǵat 22:00 men 23:00 arasynda jeke aýdandar aǵymdaǵy jaǵdaiǵa bailanysty baiandaidy. Qazir koronavirýsqa shaldyǵý deńgeiiniń ósýin Óskemen, Altai, Ridder qalalarynda jáne Glýbokoe aýdanynda tirkep jatyrmyz», - dedi ákim Ortalyq kommýnikatsiialar qyzmetinde.
Sonymen qatar ol óńir turǵyndary kóbine qai jerlerde indetti kóp juqtyratynyn aitty.
«Turǵyndar negizinen adamdar kóp jinalatyn oryndarda, iaǵni qoǵamdyq kólikte, qoǵamdyq oryndarda juqtyrǵandyqtan, tiisti shekteýdi engizdik. Iri kásiporyndarda KVI-di jappai juqtyrý oqiǵalary bolmady. Máselen, «Qaztsinkte» 104 adam aýyrdy, alaida bul indet bastalǵannan bergi kórsetkish», - dedi D. Ahmetov.
