Shyǵys Qazaqstan oblysynyń Óskemen, Semei jáne Aiagóz qalalary koronavirýs boiynsha epidemiologiialyq jaǵdaidy baǵalaý matritsasyna sáikes «qyzyl» aimaqqa kirdi, dep habarlaidy "Ult aqparat".
Búgin oblys ákimdiginde ótken aimaqtyq úilestirý keńesiniń otyrysynda Óskemen, Semei jáne Aiagóz qalalarynda koronavirýs infektsiiasyn juqtyrǵandardyń kóbeiip ketkeni týraly sóz etildi. Osyǵan bailanysty karantindik shekteýler qatańdatylmaq. Qazirgi ýaqytta atalǵan 3 qala da «qyzyl» aimaqqa engen.
Oblys ákiminiń orynbasary Shákárim Buqtuǵytovtyń aitýynsha, qaýipti dertke shaldyqqandar sanyn azaitý úshin vaktsinatsiia sharalaryn kúsheitý qajet.
«19 sáýirdegi jaǵdai boiynsha óńirde 48 556 adamǵa vaktsina salyndy. Jalpy Shyǵys Qazaqstanda 380 vaktsinatsiia pýnkti jumys istep tur. Aldaǵy birneshe aida oblystyń 747 myń turǵynyna vaktsina egiletini josparlanýda. Bul, aimaq halqynyń 53% quraidy», - dedi ol.
Eske salaiyq, 2021 jyldyń 20 sáýirindegi jaǵdaiy boiynsha: «Qyzyl» aimaqta Nur-Sultan, Almaty, Shymkent qalalary men Aqmola, Atyraý, Aqtóbe, Batys Qazaqstan jáne Qaraǵandy oblystary tur.
«Sary aimaqta» Almaty, Shyǵys Qazaqstan, Jambyl, Qyzylorda, Pavlodar, Soltústik Qazaqstan jáne Mańǵystaý oblystary ornalasqan.
«Jasyl aimaqta» Qostanai men Túrkistan oblystary enip otyr.
