Shyǵys Qazaqstan oblysy Aiagóz aýdanyndaǵy sharýa qojalyǵynda 600 tonna pishen órtendi, dep habarlaidy "Ult aqparat".
ShQO Tótenshe jaǵdailar departamenti baspasóz qyzmetiniń málimetine súiensek, Tarlaýly aýylyndaǵy sharýa qojalyǵynyń aýmaǵynda órt shyqqan.
«Oqiǵa ornyna órt sóndirýshiler kelip jetken kezde 600 tonna shóp janyp jatty. Kóp uzamai qutqarýshylar 540 sharshy metr aýmaqqa jaiylǵan tilsiz jaýdy aýyzdyqtady. Órtti óshirýge jeke quramnan 5 adam men 1 tehnika jáne sharýa qojalyǵynan 12 jumysshy men 4 tehnika jumyldyryldy», - dep habarlady vedomstvo ókilderi.
Osy rette, departament mamandary óńir jurtshylyǵyna órt qaýipsizdigi talaptaryn qatań saqtaý qajettigin eskertedi.
