Ridder qalasynyń irgesindegi órt bir áieldiń ómirin jalmady. Taǵy eki adam jansaqtaý bóliminde jatyr, dep habarlaidy "Ult aqparat".
Bul týraly Tótenshe jaǵdailar ministrliginiń resmi ókili Talǵat Ýáli málim etti.
«Órt sóndirý jumystaryn ekpini sekýndyna 20 metrge jetetin qatty jel qiyndatýda. Jeldiń saldarynan órt Leshoz kentiniń 14 úiine jaiyldy. Qutqarýshylar Lihachev kóshesiniń 10 turǵynyn evakýatsiialady. Órt oshaǵynda orman sharýashylyǵy jeke quramynyń, jergilikti atqarýshy organdardyń jáne oblystyq tótenshe jaǵdailar departamentiniń 118 adamy jáne 20-dan astam tehnikasy jumys istep jatyr. Qazir janyp jatqan orman alańy 310 gektarǵa jetti», - deidi ministrliktiń resmi ókili.
Onyń sózinshe, órt sóndirýshilerge orman kúzetiniń MI-8 jáne MI-2 tikushaqtary kómekke kelip, áýeden 17 500 tekshe metr sý tókken.
«Jedel járdem jelisi boiynsha Leshoz kentinen 1949 jáne 1980 jylǵy kúiik shalǵan eki er adam jergilikti aýrýhananyń jansaqtaý bólimine jetkizilgeni týraly aqparat kelip tústi. Politsiia qyzmetkerleri jalyn sharpyǵan aýmaqtaǵy tóbeshikten 1948 jyly týǵan áieldiń máiitin taýyp aldy. Mán-jailar men derekter naqtylanýda.
Aldyn ala nusqa boiynsha mamandar qasaqana órt qoiý jáne otty abaisyz qoldaný nusqalaryn qarastyrýda», - deidi Talǵat Ýáli.
