Biyl Qazaqstan halqy Assambleiasyna 25 jyl tolyp otyr. QHA-nyń óńirlerdegi jumystary búginde ret-retimen júzege asyrylýda. Osy oraida Sn.kz portaly Shyǵys Qazaqstan oblysyndaǵy Qazaqstan halqy Assambleiasynyń jumystary qalai júrip jatqanyna sholý jasap kórdi.
Máselen, osy qyrkúiek aiynda «Shyǵys Qazaqstannyń Dostyq úileri, birigińder» degen taqyryppen Dostyq úileri úshin tájiribe almasý jáne tiimdi jumys ádisterin engizý jónindegi oblystyq seminar ótti.
Seminardy Dostyq úii direktorynyń mindetin atqarýshy Janar Alkanova quttyqtaý sózimen ashty. Ol aýdandyq Dostyq úilerimen birlesken jumys týraly aityp, naqty mysaldar keltirdi. «Úlbi» ortalyǵynyń daǵdarys bóliminiń psihology Aleksandra Romanovskaia óz sózinde turmystyq zorlyq-zombylyq qurbandaryna kómek kórsetý taqyrybyn kóterdi. Mediatsiia, onyń qoǵam ómirindegi róli týraly, atap aitqanda mekteptegi jáne etnosaralyq qatynastar salasyndaǵy Mediatsiia týraly kásibi mediator Týletai Tanekenova sóz qozǵady.
ShQO «Janǵyrý joly» óńirlik jastar shtabynyń tóraǵasy, ShQO QHA eriktiler qozǵalysy ortalyǵynyń úilestirýshisi Iýnýsov Ravil jastarmen jumys jasaý ádisteri týraly aityp berdi. Jýrnalist jáne BAQ-pen jumys jónindegi qyzmettiń basshysy Aizada Bibýlova áleýmettik jelilerdiń ozyq paidalanýshysy bolýdyń jáne media keńistikpen «dostasýdyń» qupiialaryn ashty.
Sonymen birge, Shyǵys-Qazaqstan oblysynyń Dostyq úii-Qoǵamdyq kelisim ortalyǵy qyzyqty onlain-kontserti ótti. Instagram akkaýntynyń paraqshasynda kórermender Eriktiler jylyna arnalǵan «Birlik - bizdiń kúshimiz» onlain-kontsertiniń tikelei efirin tamashalai aldy. Shyǵys Qazaqstan oblysy Qazaqstan halqy assambleiasynyń eriktiler toby ár túrli qaiyrymdylyq jáne ekologiialyq sharalarǵa qatysatyn azamattarǵa jáne tabiǵatqa shyn júrekten qamqorlyq jasaidy. Patriottyq ánder, ulttyq mýzykalyq aspaptarda oinaý, etnikalyq biler, janǵa jaily jáne tereń kúiler - osynyń bári mahabbat pen dostyqta ómir súretin mádenietterdiń alýan túrliligin kórsetti.
ShQO jastary jobalardy ilgeriletý múmkindikteri men konkýrsqa qatysý ótinimderin durys qalyptastyrýdy úirendi. Is-sharaǵa joǵarǵy oqý oryn stýdentteri, ShQO QHA eriktileri qatysty. Kezekti kezdesýde oqýshylar spikerlermen birge keń aýqymdy máselelerdi talqylady, sonyń ishinde uly filosof jáne aǵartýshy Abai Qunanbaevtyń murasy týraly sóz qozǵap, onyń shyǵarmalarynyń árqaisymyzdyń ómirimizben tyǵyz bailanysyn kórsetti.
Sondai-aq, jastar saiasatynyń máseleleri men perspektivalary qarastyryldy, volonterlik taqyryby egjei-tegjeili baiandaldy. Óz sózinde ShQO Azamattyq Aliansynan Olga Bobrysheva men Rýfit Ahmedzianov memlekettik granttar týraly, óz jobalaryn tek respýblikalyq deńgeide ǵana emes, halyqaralyq dárejede de ilgeriletý múmkindikteri týraly aityp, qatysýshylarǵa konkýrsqa qatysý úshin ótinimderdi qalai durys qalyptastyrý kerektigin úiretti. Is-shara sertifikattardy dástúrli tapsyrýmen aiaqtaldy.
