Kókpekti aýdanynyń Samar aýylynda qutqarýshylar jaǵalaýǵa jaqyn mańda turatyn turǵyndardy qaýipsiz jerge kóshirip jatyr, dep habarlaidy "Ult aqparat" ShQO Tótenshe jaǵdailar departamentine silteme jasap.
Sý deńgeiiniń kóterilýi tasqyn qaýpin týyndatty. Qutqarýshylar Samardyń jaǵalaý mańyndaǵy turǵyndaryn kóshirip jatyr. Kókpekti aýdandyq tótenshe jaǵdailar bólimi bastyǵynyń sózine qaraǵanda, shamamen 90 úidiń 200 turǵynyn evakýatsiialaý qajet. Alaida turǵyndardyń basym kópshiligi budan bas tartyp otyr.
Turǵyndar mektep jáne Agrarlyq kolledj bazasyndaǵy eki evakýatsiia beketine ornalastyrylady.
«Óskemen-Samar» avtojolynyń 132-kilometrinde erigen qar sýy tasyp, 50 metrdei jerdi basqan.
TJD, jergilikti bilik jáne politsiia oqiǵa ornynda jumys istep jatyr.
Aita keteiik, sinoptikter ShQO-da aldaǵy kúnderi kún jyly bolatyndyǵyn, jaýyn-shashynǵa bailanysty sý deńgeiiniń kóterilý qaýpi bar ekenin eskertedi.
ShQO TJD daǵdarys ortalyǵynda jedel shtab, sondai-aq shuǵyl jeliniń 55-38-19 nómiri jumys istep tur.
