Shyǵys Qazaqstan oblysynda 3 jolaýshylar avtobýsy men 19 jeńil kólik qar qursaýynda qaldy, – dep habarlaidy ShQO TJD baspasóz qyzmeti.
Demalys kúnderi burqasyn bolyp, jol kórinbegendikten respýblikalyq jáne oblystyq mańyzdaǵy tasjoldar jabyldy. Eskertýge qaramastan, qutqarýshylar qala syrtyndaǵy avtojoldarǵa barýǵa májbúr boldy.
Semei qalasynan 30 km jerdegi «Omsk-Maiqapshaǵai» tasjolynyń 786-kilometrinde jeńil kólikter turaqtap qalǵan.
«ShQO TJD men «Qazavtojol» JShS qyzmetshileri jabylǵan jol aýmaǵynan ishinde 37 adamy bar 19 jeńil kólikti Semeige deiin jetkizdi. Al «Almaty-Óskemen» tasjolynyń 683-kilometrinde, Taskesken aýylynan 10 km qashyqtyqtaǵy jabyq jerde Almaty-Semei jáne Tarbaǵatai-Almaty baǵytyndaǵy 3 avtobýs toqtap qalǵan. Salonda 55 adam bolǵan. Jolaýshylar jylytý pýnkterine ornalastyrý týraly ákimdik usynysynan bas tartty. Meditsinalyq kómek qajet bolmady», - dep túsindirdi ShQO TJD baspasóz qyzmeti.
Qazirgi ýaqytta Shyǵys Qazaqstan oblysyndaǵy barlyq jol ashyq.
Degenmen, TJD mamandary ShQO turǵyndaryna saparǵa shyqpas buryn aýa raiynyń jaǵdaiyn bilip otyrý qajettigin eskertti.
