شىعىس قازاقستان وبلىسىندا 3 جولاۋشىلار اۆتوبۋسى مەن 19 جەڭٸل كٶلٸك قار قۇرساۋىندا قالدى, – دەپ حابارلايدى شقو تجد باسپاسٶز قىزمەتٸ.
دەمالىس كٷندەرٸ بۇرقاسىن بولىپ, جول كٶرٸنبەگەندٸكتەن رەسپۋبليكالىق جەنە وبلىستىق ماڭىزداعى تاسجولدار جابىلدى. ەسكەرتۋگە قاراماستان, قۇتقارۋشىلار قالا سىرتىنداعى اۆتوجولدارعا بارۋعا مەجبٷر بولدى.
سەمەي قالاسىنان 30 كم جەردەگٸ «ومسك-مايقاپشاعاي» تاسجولىنىڭ 786-كيلومەترٸندە جەڭٸل كٶلٸكتەر تۇراقتاپ قالعان.
«شقو تجد مەن «قازاۆتوجول» جشس قىزمەتشٸلەرٸ جابىلعان جول اۋماعىنان ٸشٸندە 37 ادامى بار 19 جەڭٸل كٶلٸكتٸ سەمەيگە دەيٸن جەتكٸزدٸ. ال «الماتى-ٶسكەمەن» تاسجولىنىڭ 683-كيلومەترٸندە, تاسكەسكەن اۋىلىنان 10 كم قاشىقتىقتاعى جابىق جەردە الماتى-سەمەي جەنە تارباعاتاي-الماتى باعىتىنداعى 3 اۆتوبۋس توقتاپ قالعان. سالوندا 55 ادام بولعان. جولاۋشىلار جىلىتۋ پۋنكتەرٸنە ورنالاستىرۋ تۋرالى ەكٸمدٸك ۇسىنىسىنان باس تارتتى. مەديتسينالىق كٶمەك قاجەت بولمادى», - دەپ تٷسٸندٸردٸ شقو تجد باسپاسٶز قىزمەتٸ.
قازٸرگٸ ۋاقىتتا شىعىس قازاقستان وبلىسىنداعى بارلىق جول اشىق.
دەگەنمەن, تجد ماماندارى شقو تۇرعىندارىنا ساپارعا شىقپاس بۇرىن اۋا رايىنىڭ جاعدايىن بٸلٸپ وتىرۋ قاجەتتٸگٸن ەسكەرتتٸ.
