«Týberkýlez aýrýynyń aldyń alý joly - jańa týǵan nárestelerdi vaktsinatsiialaý. Biyl oblys perzenthanalarynda 16950 shaqalaq egilgen. Bul - jalpy týǵan balalardyń 97,4 paiyzy. Bul týraly altaynews habarlaidy.
«Keibir ata-analar ekpeden bas tartady. Ondai másele bar. Jyl basynan beri 94 balanyń áke-sheshesi vaktsinatsiia saldyrtýǵa qarsy boldy. Mundai jaǵdailar kóbinese Óskemen, Semei, Zyrian qalalarynda kezdesti», - dep túsindirdi densaýlyq saqtaý basqarmasynyń basshysy Marat Shoranov.
Ókpe dertiniń asqynǵan túrimen aýyratyndar - qoǵam úshin óte qaýpti. Olar qoǵamnan oqshaýlanýy tiis. Oblysta osyndai 27 azamat bar. Olardyń 25-i - bakteriia taratýshy. Qazir 15-i statsionarda oqshaýlanǵan, 4-ýi úiinde emdelýde, al qalǵan altaýy izdeýde júr. Sondai-aq, túrmeden bosap shyqqan 21 aýrý azamat esepke alynǵan.
«Naýqastarǵa áleýmettik kómek kórsetilýde. Osy jyldyń 10 aiynda 848 naýqasqa 56265,4 myń teńge qarjy bólingen. Keler jyldyń 15 qańtaryna deiin bizdiń basqarma týberkýlezdiń aldyn alý boiynsha is-sharalar josparyn ázirlep, usynady», - dedi Marat Shoranov.
