Shyǵys Qazaqstan oblysynda sintetikalyq esirtki saýdasymen ainalysqan 42 jastaǵy er adam ustaldy, dep habarlaidy QazAqparat.
ShQO Politsiia departamenti baspasóz qyzmetiniń málimetine súiensek, tártip saqshylary «Refleks» jedel-aldyn alý sharasy barysynda esirtki saýdalaǵan Óskemen qalasynyń 42 jastaǵy turǵynyn ustady. Ol psihotroptyq zattardy klientterge aldyn ala kelisilgen jerlerge tastap ketip otyrǵan.
Kúdiktiniń páterin tintý barysynda jasyl, qyzǵylt jáne aq tústi untaq pen 55 polimerli paket, ólsheýge arnalǵan elektrondy tarazy tárkilendi. Saraptama qorytyndysyna sáikes, untaqtyń jalpy salmaǵy 119,9 gramdy quraityn pirrolidinalerofenon psihotroptyq zaty ekeni belgili boldy,- dedi oblystyq PD bastyǵy Saǵat Mádiev.
Qazirgi ýaqytta er adam ýaqytsha ustaý izoliatoryna qamaldy. Atalǵan fakti boiynsha QR Qylmystyq Kodeksiniń 297-baby 3-bóligine sáikes sotqa deiingi tergeý amaldary bastaldy. Kúdikti 15 jylǵa deiin bas bostandyǵynan aiyrylýy múmkin.
