شىعىس قازاقستان وبلىسىندا سينتەتيكالىق ەسٸرتكٸ ساۋداسىمەن اينالىسقان 42 جاستاعى ەر ادام ۇستالدى, دەپ حابارلايدى قازاقپارات.
شقو پوليتسييا دەپارتامەنتٸ باسپاسٶز قىزمەتٸنٸڭ مەلٸمەتٸنە سٷيەنسەك, تەرتٸپ ساقشىلارى «رەفلەكس» جەدەل-الدىن الۋ شاراسى بارىسىندا ەسٸرتكٸ ساۋدالاعان ٶسكەمەن قالاسىنىڭ 42 جاستاعى تۇرعىنىن ۇستادى. ول پسيحوتروپتىق زاتتاردى كليەنتتەرگە الدىن الا كەلٸسٸلگەن جەرلەرگە تاستاپ كەتٸپ وتىرعان.
كٷدٸكتٸنٸڭ پەتەرٸن تٸنتۋ بارىسىندا جاسىل, قىزعىلت جەنە اق تٷستٸ ۇنتاق پەن 55 پوليمەرلٸ پاكەت, ٶلشەۋگە ارنالعان ەلەكتروندى تارازى تەركٸلەندٸ. ساراپتاما قورىتىندىسىنا سەيكەس, ۇنتاقتىڭ جالپى سالماعى 119,9 گرامدى قۇرايتىن پيرروليدينالەروفەنون پسيحوتروپتىق زاتى ەكەنٸ بەلگٸلٸ بولدى,- دەدٸ وبلىستىق پد باستىعى ساعات مەديەۆ.
قازٸرگٸ ۋاقىتتا ەر ادام ۋاقىتشا ۇستاۋ يزولياتورىنا قامالدى. اتالعان فاكتٸ بويىنشا قر قىلمىستىق كودەكسٸنٸڭ 297-بابى 3-بٶلٸگٸنە سەيكەس سوتقا دەيٸنگٸ تەرگەۋ امالدارى باستالدى. كٷدٸكتٸ 15 جىلعا دەيٸن باس بوستاندىعىنان ايىرىلۋى مٷمكٸن.
