Foto: ashyq derekkóz
Qarjy monitoringi agenttiginiń Shyǵys Qazaqstan oblysy boiynsha departamenti Ulan aýdanyndaǵy Shybyndy ózeni ańǵarynda qymbat metaldardy zańsyz óndirý jáne jer qoinaýyn óz betinshe paidalaný deregi boiynsha tergeýdi jalǵastyryp jatyr, dep habarlaidy Ult.kz.
Tergeý nátijesinde «Azamattarǵa arnalǵan úkimet» memlekettik korporatsiiasy direktorynyń orynbasarlarynyń biri ózge adamdarmen birlesip, ken ornyn zańsyz igerý shemasyn uiymdastyrǵany anyqtaldy. Bul maqsatta olar óz baqylaýyndaǵy «EastGoldStone» JShS arqyly jumys júrgizgen.
Buǵan deiin habarlanǵandai, altyn óndirý isi eki jyl boiy eshqandai litsenziiasyz, aýyr tehnika kómegimen jáne ózen arnasyna zańsyz aralasý arqyly júzege asqan. Sonyń saldarynan qorshaǵan ortaǵa 300 million teńgeden astam zalal keltirilgen.
Tintý kezinde jalpy quny 382 million teńgege baǵalanǵan 6,7 keli altyn, 10 million teńge, sondai-aq 56 myń AQSh dollary tárkilendi. Barlyq qarajatqa sot sanktsiiasymen buǵattaý qoiyldy.
Kúdiktiler eki ai merzimge qamaýǵa alyndy. Tergeý amaldary jalǵasyp jatyr.
