- Kýrchatov qalasynda QR Ulttyq iadrolyq ortalyǵynda «Semei synaq poligony, Radiatsiialyq mura jáne damý perspektivasy» atty VII halyqaralyq konferentsiia ótti.
Buǵan álemniń 16 elinen jetekshi ǵalymdar men mamandar qatysty, onyń ishinde Resei, AQSh, Japoniia, Qytai, Belarýs jáne t.b. bar.
Biyl QR Prezidenti Nursultan Nazarbaevtyń Semei synaq poligonyn jabý týraly Jarlyqqa qol qoiǵan kúnine 25 jyl tolǵany belgili.
UIaO bas direktory Erlan Batyrbekov plenarlyq otyrysty asha otyryp, «Semei poligonynyń 40-jyldyq qyzmeti - bul burynǵy Keńes Odaǵy tarihyndaǵy kezeńderdiń biri, ony jabý jáne poligondaǵy qyzmetterdiń saldaryn joiý - egemendi memleket - Qazaqstan Respýblikasy tarihynyń alǵashqy paraqtarynyń biri» ekenin eske saldy.
«Memleket basshysynyń 1992 jylǵy 15 mamyrdaǵy Jarlyǵymen poligondy japqannan keiin birden Semei synaq poligony kesheni jáne Qazaqstan aýmaǵynda ornalasqan tiisti ǵylymi uiymdar men nysandar bazasynda Ulttyq iadrolyq ortalyq quryldy. Poligonda ortalyqty qurýmen atom energetikasy, radioekologiia salasyndaǵy asa kúrdeli jańa mindetter sheshile bastady. Osy jyldary UIaO mamandary halyqaralyq áriptesterimen birlesip, iadrolyq synaqtar ótkizý infraqurylymyn joiý boiynsha kúrdeli problemalar keshenin sheshti, iadrolyq qarý synaqtarynyń saldaryn joiý boiynsha jumystar aiaqtaldy, respýblikada atom energetikasyn damytý úshin ǵylymi-tehnikalyq, tehnologiialyq, kadrlyq baza quryldy», - dep atap ótti ortalyqtyń bas direktory.
Álemniń 16 elinen kelgen mamandar konferentsiia jumysynyń úsh kúninde iadrolyq synaqtar men apattar ornyn qosa alǵanda, túrli radiatsiialyq-qaýipti nysandardyń radioekologiialyq jai-kúiiniń máselelerin, óerkásiptegi jáne meditsinadaǵy radiatsiialyq qaýipsizdikti qamtamasyz etýdiń ózekti problemalaryn, iadrolyq qarýdy taratýdyń táýekelderin tómendetý, atom energetikasynyń qaýipsizdigin damytý máselelerin qarady.
Konferentsiia qatysýshylaryna SSP qyzmetiniń tarihymen tanysýǵa, QR UIaO eksperimentaldyq keshenderine, «Tájiibeli alańǵa», Ortalyq murajaiyna, SSP men basqa da nysandarǵa barýdyń múmkindigi týdy.
