QR Ekologiia, geologiia jáne tabiǵi resýrstar ministri Maǵzum Myrzaǵaliev Shyǵys Qazaqstan oblysyna jumys sapary barysynda «GrandFish» JShS-na bardy, dep habarlaidy "Ult aqparat".
2017 jyly qurylǵan kásiporyn alabalyq ósirýmen ainalysýda. 2021 jyldan bastap JShS bazasynda inkýbatsiialyq tseh iske qosylmaq.
«Qazir kásiporynda 20 adam jumys isteidi. Keler jyly kóktemde tseh ashylýyna bailanysty 30 jumys orny qurylady. Joba qýattylyǵy – jylyna 1200 tonna taýarly balyq óndirýge jetedi. Bul kórsetkishke 2030 jylǵa qarai jetemiz dep otyrmyz. Alabalyqtan basqa da balyq túrlerin ósirý josparda bar», - dedi «GrandFish» JShS basshysy Aleksandr Sobolevskii.
2019 jyly kásiporyn ishki naryqqa 34 tonna alabalyq satqan. Sondai-aq Reseige eksporttaý da kózdelip otyr.
Ministr Maǵzum Myrzaǵaliev pen oblys ákimi Danial Ahmetov sharýashylyq bazasynda balyq jem zaýytyn salýǵa qoldaý kórsetýge kelisti.
Esterińizge sala ketsek, Memleket basshysy Qasym-Jomart Toqaev halyqqa joldaýynda balyq sharýashylyǵyna erekshe mán berý kerektigin aitqan. 2019 jyly elimizdiń balyq jáne balyq ónimderi naryǵynyń jalpy kólemi 66 myń tonnany qurady. Qazaqstandaǵy sý resýrstary 600 myń tonnaǵa deiin balyq ósirip, eksportty 10 esege arttyrýǵa múmkindik beredi.
Sol sebepti qazir Ekologiia, geologiia jáne tabiǵi resýrstar ministrligi balyq sharýashylyǵyn qoldaý maqsatynda Zańǵa birqatar ózgeris engizip, sýbsidiia berý joldaryn qarastyryp jatyr.
