Shyǵys Qazaqstan oblysynda politsei áriptesin óltirdi degen kúdikpen ustaldy, - dep habarlaidy Massaget.kz portaly.
Bul derekti oblystyq politsiia departamenti rastady.
"10 qazanda ShQO patrýldik politsiia inspektorynyń ólimi boiynsha QR Qylmystyq kodeksiniń 99-baby 1-bóligi (kisi óltirý) boiynsha sotaldy tergeý bastaldy. Qazirgi ýaqytta tiisti saraptamalar taǵaiyndaldy, oqiǵanyń mán-jaiyn anyqtaý úshin barlyq qajet tergeý áreketi júrgizilip jatyr", - delingen ShQO QD baspasóz qyzmetiniń habarlamasynda.
Sondai-aq, bul iste kúdikti retinde 36 jastaǵy jábirlenýshiniń seriktesi ýaqytsha ustaý izoliatoryna qamalǵan.
"Oqiǵa ornyna oblys prokýrory, Politsiia departamentiniń bastyǵy, sondai-aq Ishki qaýipsizdik basqarmasynyń bastyǵy, IIM Ákimshilik politsiia komitetiniń ókili attandy. Qylmystyq isti tergeý júrip jatyr. Bul is Qazaqstan Respýblikasy Ishki ister ministrliginiń erekshe baqylaýyna alyndy", - dep tolyqtyrdy ShQO DP ókili.
Beiresmi aqparat kózderiniń málimetinshe, politsiia qyzmetkeri túnde jumbaq jaǵdaida qaitys bolǵan. Onyń basy kólik esigi men kóliktiń arasynda qalyp qoiǵan. Qaza bolǵan politseidi seriktesi tapqan. Kúdiktiniń aitýynsha, ol áriptesiniń kólikte joq ekenin birden baiqamaǵan. Oqiǵa ornynda marqumnyń etigi men súiretilgen izderi tabyldy.
Oqiǵa Almatydaǵy tasjolda bolǵan.
