Shyǵys Qazaqstan oblysyndaǵy órt sóndirýshiler «Semei ormany» rezervatyndaǵy qyzyl jalyndy óshirýde qandai qiyndyqtar bolǵanyn aityp berdi.
ShQO TJD baspasóz qyzmetiniń málimetine súiensek, 23 sáýir kúni Besqaraǵai aýdany aýmaǵyndaǵy «Semei ormany» memlekettik orman tabiǵi rezervatynda órt shyqqany jaily habar túsken. Birden sol jerge Baidaýletov orman sharýashylyǵynan 34 adam, 6 avtotsisterna jáne 2 traktor jiberildi.
Sondai-aq, jalyn sharpyǵan aýmaq MI-2 tikushaǵy arqyly baqylanyp, oqiǵa ornyna órt sóndirýshiler men avariialyq-qutqarý qyzmetiniń kúshteri jumyldyrylǵan. Jalpy sol jerde oblystyq Tótenshe jaǵdailar departamentiniń órt sóndirý qyzmetinen - 93 adam jáne 23 tehnika, TJ komitetinen - Kókshetaý garnizonynyń 39 adamy men MI-26 tikushaǵy tilsiz jaýmen kúresti.
«Qatty jeldiń saldarynan órt qylqan japyraqty aǵashtarǵa tez taralyp ketken. Al mundai aǵashtar óte jyldam janady. Joǵary temperatýra men qoiý tútinge bailanysty keibir oshaqtarda tilsiz jaýdy aýyzdyqtaý qiynǵa soqqan. Jeke quram men tehnikaǵa qaýip tóndi. Biraq biz barynsha abailap, saqtyq sharalaryn qatań saqtadyq», - deidi órt sóndirý jetekshisiniń kómekshisi Anatolii Jýkov.
Órt 25 sáýir kúni saǵat 19-00-de óshirildi. Qyzyl jalyn sharpyǵan aýmaq 3 948 gektardy quraidy. Órtti sóndirýge jumyldyrylǵan Shyǵys Qazaqstan jáne Aqmola oblystyq Tótenshe jaǵdailar departamentteriniń mamandary men tehnikalary turaqty ornalasqan jerlerine oralǵan.
Esterińizge sala ketsek, 23 sáýirde Shyǵys Qazaqstanda qaraǵaily ormannyń órtenip jatqandyǵy habarlanǵan. Kelesi kúni órtti sóndirý úshin Kókshetaýdan MI-26T alyp tikushaǵy ushyp shyqqan bolatyn.
24 sáýirde órttiń taralýy toqtatylyp, 25-i kúni tilsiz jaý tolyqtai aýyzdyqtalǵan.
