شىعىس قازاقستان وبلىسىنداعى ٶرت سٶندٸرۋشٸلەر «سەمەي ورمانى» رەزەرۆاتىنداعى قىزىل جالىندى ٶشٸرۋدە قانداي قيىندىقتار بولعانىن ايتىپ بەردٸ.
شقو تجد باسپاسٶز قىزمەتٸنٸڭ مەلٸمەتٸنە سٷيەنسەك, 23 سەۋٸر كٷنٸ بەسقاراعاي اۋدانى اۋماعىنداعى «سەمەي ورمانى» مەملەكەتتٸك ورمان تابيعي رەزەرۆاتىندا ٶرت شىققانى جايلى حابار تٷسكەن. بٸردەن سول جەرگە بايداۋلەتوۆ ورمان شارۋاشىلىعىنان 34 ادام, 6 اۆتوتسيستەرنا جەنە 2 تراكتور جٸبەرٸلدٸ.
سونداي-اق, جالىن شارپىعان اۋماق مي-2 تٸكۇشاعى ارقىلى باقىلانىپ, وقيعا ورنىنا ٶرت سٶندٸرۋشٸلەر مەن اۆارييالىق-قۇتقارۋ قىزمەتٸنٸڭ كٷشتەرٸ جۇمىلدىرىلعان. جالپى سول جەردە وبلىستىق تٶتەنشە جاعدايلار دەپارتامەنتٸنٸڭ ٶرت سٶندٸرۋ قىزمەتٸنەن - 93 ادام جەنە 23 تەحنيكا, تج كوميتەتٸنەن - كٶكشەتاۋ گارنيزونىنىڭ 39 ادامى مەن مي-26 تٸكۇشاعى تٸلسٸز جاۋمەن كٷرەستٸ.
«قاتتى جەلدٸڭ سالدارىنان ٶرت قىلقان جاپىراقتى اعاشتارعا تەز تارالىپ كەتكەن. ال مۇنداي اعاشتار ٶتە جىلدام جانادى. جوعارى تەمپەراتۋرا مەن قويۋ تٷتٸنگە بايلانىستى كەيبٸر وشاقتاردا تٸلسٸز جاۋدى اۋىزدىقتاۋ قيىنعا سوققان. جەكە قۇرام مەن تەحنيكاعا قاۋٸپ تٶندٸ. بٸراق بٸز بارىنشا ابايلاپ, ساقتىق شارالارىن قاتاڭ ساقتادىق», - دەيدٸ ٶرت سٶندٸرۋ جەتەكشٸسٸنٸڭ كٶمەكشٸسٸ اناتوليي جۋكوۆ.
ٶرت 25 سەۋٸر كٷنٸ ساعات 19-00-دە ٶشٸرٸلدٸ. قىزىل جالىن شارپىعان اۋماق 3 948 گەكتاردى قۇرايدى. ٶرتتٸ سٶندٸرۋگە جۇمىلدىرىلعان شىعىس قازاقستان جەنە اقمولا وبلىستىق تٶتەنشە جاعدايلار دەپارتامەنتتەرٸنٸڭ ماماندارى مەن تەحنيكالارى تۇراقتى ورنالاسقان جەرلەرٸنە ورالعان.
ەستەرٸڭٸزگە سالا كەتسەك, 23 سەۋٸردە شىعىس قازاقستاندا قاراعايلى ورماننىڭ ٶرتەنٸپ جاتقاندىعى حابارلانعان. كەلەسٸ كٷنٸ ٶرتتٸ سٶندٸرۋ ٷشٸن كٶكشەتاۋدان مي-26ت الىپ تٸكۇشاعى ۇشىپ شىققان بولاتىن.
24 سەۋٸردە ٶرتتٸڭ تارالۋى توقتاتىلىپ, 25-ٸ كٷنٸ تٸلسٸز جاۋ تولىقتاي اۋىزدىقتالعان.
