Búgin Shyǵys Qazaqstannyń Shemonaiha qalasynda ońtústik óńirlerden qonys aýdarǵan otbasylar baspanaly boldy, dep habarlaidy "Ult aqparat".
Sondai-aq Ridder qalasynda talaidan beri kezekte turǵan 120 otbasy qonys toiyn toilady. 60 páterlik qos úidiń qurylysy 2017 jyly bastalǵan bolatyn. Shyǵysstroiindýstriia» kompaniiasy nysandy mejeli merzimde keshiktirmei tapsyryp otyr.
«Biyl Ridder qalasy boiynsha 9436 sharshy metr baspana berildi. Bul sońǵy 30 jylda bolmaǵan kórsetkish. Búgin bir bólmeli 40 páter, eki bólmeli 70 páter, úsh bólmeli 10 páter tabystadyq» - deidi aýdan ákiminiń orynbasary Evgeniia Nýjnyh.
Al Shemonaihada 60 otbasy Jańa jyldy jańa baspanamen qarsy alatyn boldy. Olardyń barlyǵy 2017-2021 jyldarǵa arnalǵan «Nátijeli jumyspen qamtý-2020» baǵdarlamasy boiynsha Shemonaiha aýdanyna kóship kelgen januialar. 60 páterli úidiń qurylysy memleket biýdjeti úshin 675,7 mln teńgege shyqqan. Páterlerdiń aýdany bólme sanyna qarai 45,6 sharshy metrden 73 sharshy metrge deiin barady.
«Biz bul qalaǵa Kentaýdan kóship kelgenbiz. Ózim jergilikti ákimdikke qzymetke ornalastym. Jańa úidiń aty jańa úi ǵoi. Ishi-syrty taza. Balkony da keń. Elektr plitasy daiyn bolǵanyna qýandyq. Kóptegen qiynshylyqtan ótip, qonys aýdarǵanymyz beker bolmapty. Qýanyp júrmiz» - deidi Iýldyz Qurbanova esimdi turǵyn.
