بٷگٸن شىعىس قازاقستاننىڭ شەمونايحا قالاسىندا وڭتٷستٸك ٶڭٸرلەردەن قونىس اۋدارعان وتباسىلار باسپانالى بولدى, دەپ حابارلايدى "ۇلت اقپارات".
سونداي-اق ريددەر قالاسىندا تالايدان بەرٸ كەزەكتە تۇرعان 120 وتباسى قونىس تويىن تويلادى. 60 پەتەرلٸك قوس ٷيدٸڭ قۇرىلىسى 2017 جىلى باستالعان بولاتىن. شىعىسستروييندۋسترييا» كومپانيياسى نىساندى مەجەلٸ مەرزٸمدە كەشٸكتٸرمەي تاپسىرىپ وتىر.
«بيىل ريددەر قالاسى بويىنشا 9436 شارشى مەتر باسپانا بەرٸلدٸ. بۇل سوڭعى 30 جىلدا بولماعان كٶرسەتكٸش. بٷگٸن بٸر بٶلمەلٸ 40 پەتەر, ەكٸ بٶلمەلٸ 70 پەتەر, ٷش بٶلمەلٸ 10 پەتەر تابىستادىق» - دەيدٸ اۋدان ەكٸمٸنٸڭ ورىنباسارى ەۆگەنييا نۋجنىح.
ال شەمونايحادا 60 وتباسى جاڭا جىلدى جاڭا باسپانامەن قارسى الاتىن بولدى. ولاردىڭ بارلىعى 2017-2021 جىلدارعا ارنالعان «نەتيجەلٸ جۇمىسپەن قامتۋ-2020» باعدارلاماسى بويىنشا شەمونايحا اۋدانىنا كٶشٸپ كەلگەن جانۇيالار. 60 پەتەرلٸ ٷيدٸڭ قۇرىلىسى مەملەكەت بيۋدجەتٸ ٷشٸن 675,7 ملن تەڭگەگە شىققان. پەتەرلەردٸڭ اۋدانى بٶلمە سانىنا قاراي 45,6 شارشى مەتردەن 73 شارشى مەترگە دەيٸن بارادى.
«بٸز بۇل قالاعا كەنتاۋدان كٶشٸپ كەلگەنبٸز. ٶزٸم جەرگٸلٸكتٸ ەكٸمدٸككە قزىمەتكە ورنالاستىم. جاڭا ٷيدٸڭ اتى جاڭا ٷي عوي. ٸشٸ-سىرتى تازا. بالكونى دا كەڭ. ەلەكتر پليتاسى دايىن بولعانىنا قۋاندىق. كٶپتەگەن قيىنشىلىقتان ٶتٸپ, قونىس اۋدارعانىمىز بەكەر بولماپتى. قۋانىپ جٷرمٸز» - دەيدٸ يۋلدىز قۇربانوۆا ەسٸمدٸ تۇرعىن.
