Foto: ru.freepik.com
Shyǵys Qazaqstan oblysy boiynsha Sybailas jemqorlyqqa qarsy qyzmet jyl basynan beri memlekettik satyp alý júiesin monitoringileý barysynda 2,2 mlrd teńge biýdjet qarajatyn únemdedi.
Bul týraly ShQO boiynsha Sybailas jemqorlyqqa qarsy qyzmet basshysy Denis Shakenov qoǵamdyq kommýnikatsiialar ortalyǵynda ótken brifingte málimdedi, dep habarlaidy vedomstvonyń baspasóz qyzmeti.
"Mysaly, memlekettik satyp alý portalynyń monitoringi barysynda ShQO bilim basqarmasynyń "Marqakól aýylynyń mektep-internat-kolledji" KMK qyrkúiek aiynda jeńil avtokólikke arnalǵan shinalardyń 1 danasyn 420 myń teńgege, jalpy somasy 4 dana shinany 1 mln 680 myń teńgege satyp almaq bolǵandyǵy anyqtaldy. Alaida mundai shinalardyń 1 danasynyń ortasha baǵasy 30 myń teńgeden 80 myń teńgege deiin turady. Departamenttiń usynymynan keiin shinalardyń baǵasy qaita qaralyp, únemdelgen qarajat 1 mln 230 myńdy qurady", - dep atap ótti Denis Shakenov.
Vedomstvo málimetinshe, búgingi tańda únemdelgen qarajatqa osy kolledjdiń avtobýsy úshin qosymsha qosalqy bólshekter satyp alynady.
