Foto: ashyq derekkóz
Qarjy monitoringi agenttiginiń Shyǵys Qazaqstan oblysy boiynsha departamenti memleket qatysatyn úlesti zańsyz ielikten shyǵarý faktisi boiynsha tergeýdi aiaqtady. Nátijesinde, D. Serikbaev atyndaǵy Shyǵys Qazaqstan tehnikalyq ýniversitetine jalpy quny 1,5 mlrd teńge bolatyn aktivter qaitaryldy, dep habarlaidy Ult.kz.
Elimizdegi jetekshi joǵary oqý oryndarynyń biri sanalatyn D. Serikbaev atyndaǵy Shyǵys Qazaqstan tehnikalyq ýniversiteti metallýrgiia, mashina jasaý, energetika, meditsinalyq tehnika jáne basqa da salalar úshin mamandar daiarlaýmen ainalysady. Onyń quramynda 17 ǵylymi ortalyq, zerthana jáne ǵylymi-óndiristik alań jumys isteidi.
Alaida, 2018–2020 jyldary ýniversitettiń burynǵy basshylyǵy «Tehnopark «Altai» JShS-niń jarǵylyq kapitalyndaǵy 78% memlekettik majoritarlyq úlesti zańsyz túrde jekemenshikke ótkizgen.
Memleket basshysynyń zańsyz shyǵarylǵan aktivterdi qaitarý jónindegi tapsyrmasyn oryndaý aiasynda ýniversitetke jalpy quny 1,5 mlrd teńge bolatyn «Tehnopark «Altai» JShS-degi 100% úles, 8 myń sharshy metrlik ǵimarat pen 1,3 ga jer telimi qaitaryldy.
Qaitarylǵan aktivter zerthanalyq jáne oqý bazalaryn ornalastyrýǵa, sondai-aq travmatologiia, ortopediia jáne onkologiialyq protezdeýge arnalǵan meditsinalyq ónimder shyǵaratyn innovatsiialyq klasterdi damytýǵa paidalanylatyn bolady.
Qazirgi ýaqytta aktivterdi qaitarý jumystary jalǵasýda.
