Shyǵys Qazaqstan oblysy Abai aýdanynda boi kóteretin Qunanbai mýzeiiniń qurylysy bastaldy, dep habarlaidy "Ult aqparat".
Bul jaily aimaq basshysy Danial Ahmetov óziniń Facebook-tegi paraqshasynda jazdy.
«Jumys saparymen Abai aýdanynda boldym. Uly aqynnyń týǵan jerindegi «Syrt Qasqabulaq» stellasynyń qurylysymen tanystym. Jumystyń birinshi kezeńi aiaqtaldy. Sondai-aq Aqshoqyda Qunanbai áýletiniń qorymy jańartylyp, mýzei qurylysy bastaldy. Mundaǵy basty mindet - hakimniń ata-anasyna qurmet kórsetý. Mýzei qazaq halqynyń qundylyqtary men urpaqtar sabaqtastyǵyn saqtaý turǵysynan óte mańyzdy nysan ekenin erekshe atap ótkim keledi», - dedi ákim.
Onyń aitýynsha, Jidebaidaǵy memorialdyq keshende de aýqymdy jóndeý jumystary júrgizilýde.
«Biz bul keshendi túbegeili jańartsaq ta, onyń tarihi, sáýlettik kelbetin saqtaimyz. Abattandyryp, jaryqtandyrý júrgizemiz. Memleket basshysy Qasym-Jomart Toqaevtyń tapsyrmasyna sáikes, Abaidyń 175 jyldyǵyn atap ótý bizdiń dástúrimizge degen qurmet kórsetý. Sondyqtan munda halyq aqynnyń shyǵarmashylyǵymen tanysyp qana qoimai, jaqsy demalyp, ólke, Otan tarihyn zertteýge múmkindik alady», - dedi Danial Ahmetov.
Shilde aiynyń sońyna qarai Qaraýyl aýylyndaǵy 300 oryndyq jańa mekteptiń jáne dala sahnasy ornalasatyn saiabaqtyń qurylysyn aiaqtalmaq.
