شىعىس قازاقستان وبلىسى اباي اۋدانىندا بوي كٶتەرەتٸن قۇنانباي مۋزەيٸنٸڭ قۇرىلىسى باستالدى, دەپ حابارلايدى "ۇلت اقپارات".
بۇل جايلى ايماق باسشىسى دانيال احمەتوۆ ٶزٸنٸڭ Facebook-تەگٸ پاراقشاسىندا جازدى.
«جۇمىس ساپارىمەن اباي اۋدانىندا بولدىم. ۇلى اقىننىڭ تۋعان جەرٸندەگٸ «سىرت قاسقابۇلاق» ستەللاسىنىڭ قۇرىلىسىمەن تانىستىم. جۇمىستىڭ بٸرٸنشٸ كەزەڭٸ اياقتالدى. سونداي-اق اقشوقىدا قۇنانباي ەۋلەتٸنٸڭ قورىمى جاڭارتىلىپ, مۋزەي قۇرىلىسى باستالدى. مۇنداعى باستى مٸندەت - حاكٸمنٸڭ اتا-اناسىنا قۇرمەت كٶرسەتۋ. مۋزەي قازاق حالقىنىڭ قۇندىلىقتارى مەن ۇرپاقتار ساباقتاستىعىن ساقتاۋ تۇرعىسىنان ٶتە ماڭىزدى نىسان ەكەنٸن ەرەكشە اتاپ ٶتكٸم كەلەدٸ», - دەدٸ ەكٸم.
ونىڭ ايتۋىنشا, جيدەبايداعى مەموريالدىق كەشەندە دە اۋقىمدى جٶندەۋ جۇمىستارى جٷرگٸزٸلۋدە.
«بٸز بۇل كەشەندٸ تٷبەگەيلٸ جاڭارتساق تا, ونىڭ تاريحي, سەۋلەتتٸك كەلبەتٸن ساقتايمىز. اباتتاندىرىپ, جارىقتاندىرۋ جٷرگٸزەمٸز. مەملەكەت باسشىسى قاسىم-جومارت توقاەۆتىڭ تاپسىرماسىنا سەيكەس, ابايدىڭ 175 جىلدىعىن اتاپ ٶتۋ بٸزدٸڭ دەستٷرٸمٸزگە دەگەن قۇرمەت كٶرسەتۋ. سوندىقتان مۇندا حالىق اقىننىڭ شىعارماشىلىعىمەن تانىسىپ قانا قويماي, جاقسى دەمالىپ, ٶلكە, وتان تاريحىن زەرتتەۋگە مٷمكٸندٸك الادى», - دەدٸ دانيال احمەتوۆ.
شٸلدە ايىنىڭ سوڭىنا قاراي قاراۋىل اۋىلىنداعى 300 ورىندىق جاڭا مەكتەپتٸڭ جەنە دالا ساحناسى ورنالاساتىن ساياباقتىڭ قۇرىلىسىن اياقتالماق.
