Shyǵys Qazaqstan oblysynda kóshi-qon zańnamasyn buzǵan 115 sheteldik jaýapqa tartyldy, dep habarlaidy "Ult aqparat".
ShQO politsiia departamenti baspasóz qyzmetiniń málimetine súiensek, 1-5 aqpan aralyǵynda óńir boiynsha «Migrant» jedel aldyn alý sharasy júrgizilgen.
Osy ýaqyt aralyǵynda tártip saqshylary kóshi-qon zańnamasyn buzǵan 232 adamdy ákimshilik jaýapkershilikke tartty.
Onyń ishinde 115 sheteldik azamat bar.
«Zańdy saqtamaǵan sheteldikterdiń 113-i ákimshilik jaýapkershilikke tartyldy. Al 2 adam (Resei jáne Ózbekstan azamattary) elden shyǵaryldy», - dedi ShQO PD kóshi-qon qyzmeti basqarmasynyń bastyǵy Erbol Bekpaev.
Sonymen qatar shara barysynda jeke basyn anyqtaý úshin qabyldaý-taratý mekemesine 2 adam ornalastyrylǵan.
Kriminaldyq politsiia qyzmetkerleri qylmys jasaǵany úshin izdeýde júrgen Qazaqstan Respýblikasynyń 1 azamatyn ustady.
