Semei qalasynda kóshe kezip júrgen elik biologiialyq ortalyqqa jetkizildi, dep habarlaidy "Ult aqparat".
Qalalyq Politsiia basqarmasy baspasóz qyzmetiniń málimetine súiensek, 10 tamyz kúni Qozybaǵarov kóshesindegi kópqabatty turǵyn úilerdiń arasynda elik júrgeni jaily habar túsken. Birden sol jerge ýchaskelik politsiia qyzmetkerleri, ormanshylar jáne tabiǵat qorǵaý politseileri attanǵan.
«Olar kóp uzamai kóshe kezgen elikti qolǵa túsirdi. Jabaiy ań jaralanyp qalmas úshin ony kórpege orap biologiialyq ortalyqqa jetkizdi», - dep habarlady vedomstvo ókilderi.
Qazirgi ýaqytta mamandar túz taǵysynyń jaǵdaiyn baqylaýda. 10 kúnnen keiin elik erkindikke qaita jiberilýi múmkin.
