Shyǵys Qazaqstan oblysynda koronavirýs juqtyrǵandar azaiyp keledi, dep habarlaidy "Ult aqparat".
Óńirde koronavirýs infektsiiasy boiynsha epidemiologiialyq jaǵdai turaqtanýda. Bul týraly brifing barysynda ShQO sanitarlyq-epidemiologiialyq baqylaý departamentiniń ókili Qanat Turdiev málimdedi.
«Oblys boiynsha reprodýktivtik sannyń ortasha kórsetkishi -1%-dy quraidy, al sońǵy bir apta ishinde aýrýdyń ósý qarqyny – 0,2%. Búginde Shyǵys Qazaqstan COVID-19 boiynsha epidemiologiialyq jaǵdaidy baǵalaý matritsasyna sáikes burynǵydai «jasyl aimaqta« tur. Pandemiia bastalǵannan beri oblys aýmaǵynda koronavirýs infektsiiasynyń 19 835 jaǵdaiy tirkelgen», - dedi ol.
Qanat Turdievtyń aitýynsha, 2021 jylǵy 1 qańtardan bastap oblys boiynsha 176 monitoringtik top 544 reid júrgizgen. Nátijesinde karantin talaptaryn buzǵan 69 nysan anyqtaldy. Shekteý sharalaryn saqtamaǵandarǵa 2 mln teńgeden astam aiyppul salynǵan.
«ShQO Bas memlekettik sanitariialyq dárigeri mindetin atqarýshynyń 22 qańtardaǵy qaýlysyna sáikes karantin 7 aqpanǵa deiin uzartyldy. Sondai-aq 25 qańtardan bastap ShQO men Pavlodar oblysynyń shekarasyna eki sanitarlyq beket qoiyldy. Buǵan koronavirýs infektsiiasy órship ketken Pavlodardyń»qyzyl« aimaqqa kirýi sebep boldy. Eger kórshiles Almaty, Qaraǵandy oblystarynda epidemiologiialyq jaǵdai nasharlai bastasa onda Shyǵys Qazaqstannyń syrtqy shekaralaryna qosymsha sanitarlyq beketter ornatylýy múmkin», - dep tolyqtyrdy ShQO boiynsha sanitarlyq-epidemiologiialyq baqylaý departamentiniń ókili.
