Sybailas jemqorlyqqa qarsy is-qimyl agenttiginiń Shyǵys Qazaqstan oblysy boiynsha departamenti para alǵan Semei garnizony eksplýatatsiia bóliminiń bastyǵy men onyń orynbasaryna qatysty qylmystyq isti aiaqtady, dep habarlaidy "Ult aqparat".
«Aldyn ala sóz bailasqan olar kásipker men QR Qorǵanys ministrligi «Áskerilerdi baspanamen qamtamasyz etý bas basqarmasy» Respýblikalyq memlekettik kásipornynyń kelisimsharty aiasynda 57,4 mln teńge somasyna bolat sym jetkizýdiń oryndalǵan jumystar aktilerine qol qoiý úshin 1,8 mln teńge kóleminde para aldy degen kúdikke ilikken bolatyn», - delingen departamenttiń baspasóz qyzmeti taratqan aqparatta.
Semei garnizony Áskeri sotynyń úkimimen bólim bastyǵy 9 jylǵa, al onyń orynbasary 7 jylǵa túrmege qamaldy. Sondai-aq aiyptalýshylar memlekettik qyzmette laýazym atqarý quqyǵynan ómir boiyna aiyryldy.
