سىبايلاس جەمقورلىققا قارسى ٸس-قيمىل اگەنتتٸگٸنٸڭ شىعىس قازاقستان وبلىسى بويىنشا دەپارتامەنتٸ پارا العان سەمەي گارنيزونى ەكسپلۋاتاتسييا بٶلٸمٸنٸڭ باستىعى مەن ونىڭ ورىنباسارىنا قاتىستى قىلمىستىق ٸستٸ اياقتادى, دەپ حابارلايدى "ۇلت اقپارات".
«الدىن الا سٶز بايلاسقان ولار كەسٸپكەر مەن قر قورعانىس مينيسترلٸگٸ «ەسكەريلەردٸ باسپانامەن قامتاماسىز ەتۋ باس باسقارماسى» رەسپۋبليكالىق مەملەكەتتٸك كەسٸپورنىنىڭ كەلٸسٸمشارتى اياسىندا 57,4 ملن تەڭگە سوماسىنا بولات سىم جەتكٸزۋدٸڭ ورىندالعان جۇمىستار اكتٸلەرٸنە قول قويۋ ٷشٸن 1,8 ملن تەڭگە كٶلەمٸندە پارا الدى دەگەن كٷدٸككە ٸلٸككەن بولاتىن», - دەلٸنگەن دەپارتامەنتتٸڭ باسپاسٶز قىزمەتٸ تاراتقان اقپاراتتا.
سەمەي گارنيزونى ەسكەري سوتىنىڭ ٷكٸمٸمەن بٶلٸم باستىعى 9 جىلعا, ال ونىڭ ورىنباسارى 7 جىلعا تٷرمەگە قامالدى. سونداي-اق ايىپتالۋشىلار مەملەكەتتٸك قىزمەتتە لاۋازىم اتقارۋ قۇقىعىنان ٶمٸر بويىنا ايىرىلدى.
