Shyǵys Qazaqstan oblysynyń Altai aýdanynyń kópbalaly analary #Abai175 chellendjine qatysty, – dep habarlaidy "Ult aqparat".
Oblys ákimdiginiń baspasóz qyzmetinen habarlaǵandai, aimaq basshysy Danial Ahmetovtiń Altai aýdanyna jumys sapary barysynda kópbalaly analar Abai óleńderin oqyp, estafetany Katonqarai aýdanyna joldaǵan.
Aita keterligi, dál osy Altai aýdanynda aimaq deńgeiinde birinshi bolyp «Altai marjandary» atty kópbalaly analar klýby qurylǵan edi. Osy klýbtyń kómegimen olar óz josparyn júzege asyryp, óńirdiń qoǵamdyq ómirine atsalysa alady. Belsendilerdiń basty urany – «Biz birgemiz»!
Jalpy, #Abai175 chellendjine qańtar aiynyń aiaǵynda Danial Ahmetovtiń ózi ún qosyp, estafetany Tatarstan Prezidentine joldaǵan edi. Óz kezeginde Rýstam Minnihanov uly aqynnyń «Men jazbaimyn óleńdi ermek úshin» óleńin oqyp bergen.
Eske sala ketsek, Láilim-Shyraq esimdi 9 jastaǵy oqýshynyń estafetasyn Prezident ilip áketkeli Abaidyń óleńi men qara sózin oqý dástúri búginde jarty álemge tarap ketti. Arysy AQSh, Frantsiia men Japoniianyń, berisi túrki tildes elderdiń ókilderi ún qosqan chellendj ártúrli sipat alyp, dúnieniń ár túkpirindegi niettes halyqtardyń qoldaýyna ie bolyp jatyr.
Láilim-Shyraq Abai óleńderinen úzindi oqyp, estafetany jalǵastyrýdy Memleket basshysyna joldady. Oqýshynyń bul usynysyn zor qýanyshpen qabyldap, aqynnyń jastardy bilim men ǵylymǵa shaqyratyn «Ǵylym tappai maqtanba» atty óleńinen úzindi oqyp, jaýap berdi. Osylaisha, aktsiiaǵa aqyndar men ánshiler, álemdik deńgeidegi akterlar men túrli elderdiń elshileri ilip áketken bolatyn.
QR Prezidenti Qasym-Jomart Toqaev Abaidyń 175 jyldyq mereitoiyn merekeleý týraly Jarlyqqa byltyr qol qoiǵan bolatyn.
