Shyǵys Qazaqstan oblysynyń politseileri kontrabandalyq jolmen tasymaldanǵan 500 keli balyqty tárkiledi, dep habarlaidy "Ult aqparat".
ShQO Politsiia departamenti baspasóz qyzmetiniń málimetine súiensek, «Brakoner» jedel aldyn alý sharasyn júrgizý kezinde tártip saqshylary Kúrshim aýylynda «GAZ-33021» markaly avtokólikti toqtatqan. Tekserý barysynda Óskemen qalasynyń 37 jastaǵy turǵynynyń zańsyz balyq tasymaldaǵany anyqtaldy.
«Kóliktiń júk salǵyshynan kileń shortan balyǵy tabylǵan. Tárkilengen balyqtyń jalpy salmaǵy 504 kelini qurady. Osynyń saldarynan keltirilgen zalal mólsheri 2,7 million teńgeden asqan», - dedi ShQO PD bastyǵy Saǵat Mádiev.
Júrgizýshi qosymsha tergeý júrgizý úshin politsiia bólimine jetkizildi. Atalǵan fakti Qazaqstan Respýblikasy Qylmystyq kodeksiniń 335 baby 1 bóligi boiynsha sotqa deiingi tergeýdiń biryńǵai tizilimine engizilgen.
