ShQO-da kúsh qoldanylatyn sport túrlerinen Konfederatsiia kýbogynyń irikteý kezeńderi ótti. 4 aimaqtan kelgen 100-den astam sportshylar beldesip, úzdikteri anyqtalǵan jarysta ShQO dziýdoshylary aiqyn basymdylyqpen jeńiske jetti.
Atalǵan jarysqa jerebe boiynsha BQO, SQO, ShQO, Aqmola oblysynyń sportyshaly qatysqan. Sharanyń ashylý saltanatyna ShQO ákiminiń orynbasary Jaqsylyq Omar sportshylarǵa sáttilik tilep, uiymdastyrýshylarǵa alǵysyn bildirdi.
– Shyǵys Qazaqstanda kún sanap sporttyń árbir túri damyp keledi. Búgingi sharanyń ótýine qoldaý bildirgen qazaq sportynyń maqtanyshy, Álem chempionatynyń qola, Olimpiada oiyndarynyń kúmis júldegeri Ashat Jitkeevke, Konfederatsiia basshylyǵy men demeýshilerge ShQO ákimdigi atynan alǵysymdy bildiremin. Al ótip otyrǵan jarysqa qatysýshylar irikteý synynan súrinbei otyryp, keiin respýblikalyq, halyqaralyq, álemdik chempionattarda elimizdiń bairaǵyn jelbiretedi degen úmittemin, – dedi Jaqsylyq Omar.
Aita ketsek, Konfederatsiia Kýbogyna qatysýshy sportshylarǵa da demeýshiler qoldaý kórsetken. ShQO boiynsha Grek-rim, erkin jáne áielder kúresi federatsiiasynyń prezidenti Marat Muzaparov demeýshilik etip, jarysqa qatysqan árbir sportshyǵa sporttyq arnaiy kiimder ázirlep bergen.
Jarystyń qorytyndysy boiynsha ShQO dziýdoshylary SQO sportshylaryn 5:0 esebimen jáne aqtyń synda batysqazaqstandyq sportshylardy jeńip, aiqyn basymdylyqpen top jardy.
Esterińzge sala ketsek, finaldyq kezdesýler 3-4 jeltoqsanda Almaty qalasynda ótedi.
