ShQO-da komsomol uiymynyń 100 jyldyq mereitoiy toilanbaq, dep habarlaidy "Ult aqparat" Altainiýs basylymyna silteme jasap.
Jaqynda Qazaqstan kommýnistik halyq partiiasy qoǵamdyq birlestiginiń oblystyq filialy dóńgelek ústel ótkizgen. Jiynda komsomol uiymynyń aldaǵy mereitoiy toilanatyny aitylǵan.
Qazaqstan kommýnistik halyq partiiasy qoǵamdyq birlestigi Shyǵystaǵy filialynyń ekinshi hatshysy Sergei Miheev: "29 qazanda komsomol uiymynyń qurylǵanyna 100 jyl tolady. Bul uiym kezinde eldiń damýyna zor úles qosqan. Bizdiń partiia keńes odaǵy ideologiiasyn jalǵastyrýshy bolǵandyqtan, komsomol uiymyna qatysty jaqsylyqtardy eske almaq. Sondai-aq qazirgi jastar saiasatyn jetildirý úshin ol uiymnan qajet tustaryn alýdy usynbaqpyz", – deidi.
Sergei Miheev sózinshe, Prezidenttiń bastamasymen bizdiń jas elde jastarǵa arnalǵan kóptegen joba iske asyrylýda.
– Jas mamandardy qoldaý, ipotekamen turǵynúi berý, bilim alý granttary syndy jobalar mańyzdy árine. Biraq bular aimaqtyq jáne salalyq deńgeide mańyzdy. Qazir jastarǵa úlgi bolatyn tulǵalar men ulttyq qundylyqtardy nasihattaý óte kúńgirt. Jastar batystyń kinolary men baǵdarlamalaryn kórip, jaǵymsyz obrazdardy tańdaýda.
Zertteýler nátijesinde anyqtalǵandai, jastar molshylyq pen jailylyqty qalaidy. Biraq soǵan laiyq eńbektenbeidi eken. Sondai-aq olar shet elge kóship ketýge áýes.
