شقو-دا كومسومول ۇيىمىنىڭ 100 جىلدىق مەرەيتويى تويلانباق, دەپ حابارلايدى "ۇلت اقپارات" التاينيۋس باسىلىمىنا سٸلتەمە جاساپ.
جاقىندا قازاقستان كوممۋنيستٸك حالىق پارتيياسى قوعامدىق بٸرلەستٸگٸنٸڭ وبلىستىق فيليالى دٶڭگەلەك ٷستەل ٶتكٸزگەن. جيىندا كومسومول ۇيىمىنىڭ الداعى مەرەيتويى تويلاناتىنى ايتىلعان.
قازاقستان كوممۋنيستٸك حالىق پارتيياسى قوعامدىق بٸرلەستٸگٸ شىعىستاعى فيليالىنىڭ ەكٸنشٸ حاتشىسى سەرگەي ميحەەۆ: "29 قازاندا كومسومول ۇيىمىنىڭ قۇرىلعانىنا 100 جىل تولادى. بۇل ۇيىم كەزٸندە ەلدٸڭ دامۋىنا زور ٷلەس قوسقان. بٸزدٸڭ پارتييا كەڭەس وداعى يدەولوگيياسىن جالعاستىرۋشى بولعاندىقتان, كومسومول ۇيىمىنا قاتىستى جاقسىلىقتاردى ەسكە الماق. سونداي-اق قازٸرگٸ جاستار ساياساتىن جەتٸلدٸرۋ ٷشٸن ول ۇيىمنان قاجەت تۇستارىن الۋدى ۇسىنباقپىز", – دەيدٸ.
سەرگەي ميحەەۆ سٶزٸنشە, پرەزيدەنتتٸڭ باستاماسىمەن بٸزدٸڭ جاس ەلدە جاستارعا ارنالعان كٶپتەگەن جوبا ٸسكە اسىرىلۋدا.
– جاس مامانداردى قولداۋ, يپوتەكامەن تۇرعىنٷي بەرۋ, بٸلٸم الۋ گرانتتارى سىندى جوبالار ماڭىزدى ەرينە. بٸراق بۇلار ايماقتىق جەنە سالالىق دەڭگەيدە ماڭىزدى. قازٸر جاستارعا ٷلگٸ بولاتىن تۇلعالار مەن ۇلتتىق قۇندىلىقتاردى ناسيحاتتاۋ ٶتە كٷڭگٸرت. جاستار باتىستىڭ كينولارى مەن باعدارلامالارىن كٶرٸپ, جاعىمسىز وبرازداردى تاڭداۋدا.
زەرتتەۋلەر نەتيجەسٸندە انىقتالعانداي, جاستار مولشىلىق پەن جايلىلىقتى قالايدى. بٸراق سوعان لايىق ەڭبەكتەنبەيدٸ ەكەن. سونداي-اق ولار شەت ەلگە كٶشٸپ كەتۋگە ەۋەس.
